خلال شهر اخر خسرت 16 كجم!

ودة اللى حصل فى سنه كامله

من شهر مارس /٢٠١٥ الى مارس / ٢٠١٦

خسيت ٥٧كيلو

فى ناس كتير بتسألني خسيتى ازاى ؟ ولما بقول بأكل اكل صحى بس ، بيفتكرونى مش عاوزة أقولهم { مش سر القنبلة الهيدروجينية على فكرة } بس هو دة اللى حصل انا خسيت كدة 😉بأكل كل حاجه بطريقة صحيه ، يعنى بأكل لحمه مثلا بس من غير دهن تماما ، او بأكل طعميه مثلا بس مش مقليه بتكون معموله فى الفرن بنقطه زيت او فى طاسة تيفال وخضار وفاكهه كتير ، والعشا زبادي لايت بليمون بس ، ومية كتيييير . والحقيقه ان الاكل الصحى انعكس على صحتى وشكلى بشكل فاجأنى انا شخصيا ، فى الوقت دة بقى كنت بشتغل على نفسى نفسيا انى مثلا ديما اقول ان الشكولاته والشيبسى والبيبسي بيضرونى وبيرفعوا سكر الدم وبيوقفوا الحرق ،وان الفاكهه والتوست البراون والعيش البلدى والجبنة اللايت والشكولاته الكروناالدارك دول بيخلونى صحتى احسن وشكلى احسن { والله وجه اليوم اللى اكل فيه الشكولاته الدارك} 😀😀 وأننا بناكل علشان نعيش مش بنعيش علشان نأكل وان السعادة موجودة فى حاجات تانيه كتير غير الاكل 👍

ولما بابا تعب فى شهر يوليو / ٢٠١٥ وعرفت ان حالته كانت جلطة فى الشريان التاجى الامامى فى القلب ودة سببله دهون على القلب وكوليسترول عالى وادوية توسعه شرياين وطبعا أدوية ضغط عالى ، حقيقى خفت عليه جداً { وممكن أكون اتصدمت فى الحاله اللى وصلها وبجد كانت مفجأءه }

رغم ان بابا راجل مش تخين بس عرفت ان دة نتيجه للتدخين والعادات الغذائيه الغلط ، غير بابا كنت ببص على اى حد سنه كبير من قريبى او معارفى بلاقيه مريض سكر او ضغط او على الأقل رجليهم وجعاهم ، وانا مش حابه فى يوم من الايام أبقى كدة ، فقررت احب نفسى وأغير نفسى. شكلى وصحتى ، وان احنا لما هنحافظ على جسمنا { المعدة والكلى والاجهزة اللى فى جسمنا } ربنا هيكافئنا بالشكل الحلو ودة اللى حصل ، الاكل الصحى بقى اتجاه لناس كتير جداً دلوقتى وانا شخصيا اعرف بنات وشباب كتيييييير بيأكلوا اكل صحى وبيلعبوا رياضة ومش بيقولوا معندناش وقت 😉اللى عاوز حاجه بيعملها ، الأقوياء بس اللى بيوصلوا لأهدافهم ومبيتزلوش عن احلامهم ، اوعى تقولى ان عمرودياب الراجل اللى سنه عدى ٦٠ سنه وهو بالجسم الرياضى دة بيأكل بيتزا او بيفطر طعميه وفول غرقانين فى الزيت ، وان نيكول كدمن اللى اختاروها اجمل نساء الارض ٢٠١٥ 👸لما سألوها بتعملى ايه وازاى محافظة على جمالك وشبابك فى السن دة قالت بأكل اكل صحى بلعب رياضة ٦ ايام فى الاسبوع واليوم السابع بأكل كل اللى نفسى فيه { ودى نيكول كدمن مش اى حد يعنى }🌺 فى يوم من الايام كنت بكرة الزبادى وبشوف ان اللى اخترعها حد معندوش دم ولا ضمير ، النهردة لو مفيش زبادى فى البيت ممكن انزل مخصوص اشتريها لانها مهمه جداً فى تنظيم الهضم ، وكنت بكرة البطيخ وبحب المانجا 😍النهردة انا ممكن اكل طول اليوم بطيخ بس 😋والمانجا فى عز الموسم بتاعها بأكل واحدة بس فى الاسبوع وفى يوم من الايام مكنتش بحب المشى النهردة بمشى على الأقل ساعه فى اليوم 😍. اخر حاجه عاوزة اقولها ان أسهل حاجه انك تحافظ على صحتك وأصعب حاجه انك تهمل صحتك وتتفاجئ فى يوم من الايام انك مضطر تأكل اكل معين مفروض عليك او تبقى ماشى بشنطة أدوية او انك تبقى فى عز شبابك ومش قادر تطلع السلم، اختار صحتك وسعادتك لان السعادة قرار ❣

مر شهر ونصف على حديثنا الأخير مع هند عبدالهادي مهندسة الديكور الشابة التي إستطاعت أن تخسر 57 كجم من وزنها خلال عام واحد بدون أي عمليات جراحية أو حرمان من الطعام ليتغير شكل جسمها من النقيض إلى النقيض، ويتناقل تجربتها رواد مواقل التواصل الاجتماعي. واليوم عدنا لنوجه لهند بعض الأسئلة عن “الدايت الرمضاني” لعلها تفيدنا بخبرتها. هند خسرت 60 كيلو وودعت السمنة دون حرمان من الطعام! بداية نود أن نعرف.. هل حققت هند شيئا جديدا خلال الشهر والنصف الماضيين؟

أنا بالفعل خسرت 4,5 كجم أخري من وزني خلال الشهر والنصف الماضيين وبذلك ينقصني خسارة كيلو جرام ونصف فقط للوصول إلى الوزن الذي كنت قد حلمت به العام الماضي، ومؤخرا اشتركت فى مركز رياضى ليساعدني في الحصول على جسم رياضى. مع دخول شهر رمضان الكريم تتغير العادات الغذائية بسبب الصيام

… هل تعتبرين الصيام فرصة لفقدان الوزن أم العكس ولماذا؟

نعم أعتقد أن شهر رمضان فرصة جيدة لخسارة الوزن الزائد، بل هو فرصة أيضا لتدريب الجسم على تقليل الوجبات الغذائية فيما بعد رمضان. ورمضان هذا العام الفترة المتاحة للإفطار فيه قصيرة وهذا ما يميز فصل الصيف، ويتخلل هذه الفترة وقت للصلاة والعبادة أيضا، كما أن حرارة الصيف تتطلب شرب كمية كبيرة من المياه فلا وقت ولا مكان إذا للأكل الزائد، وفى النهاية الأمر إختيار شخصى لكل شخص وسوف يمر رمضان وينتهى سواء انتهزت الفرصه أم لا

. لو طلبنا منك تقديم برنامج غذائي بسيط لمساعدة متابعينا في فقدان وزنهم خلال شهر رمضان ماذا سيكون؟

عند الإفطار يمكنكم البدء بثمرة تمر واحدة أو نصف ثمرة وذلك لأن التمر من الفواكه المفيدة لكن لا يجب أن نكثر منها لأنها تحتوى على سكريات عالية ونشرب بعدها الكثير من المياء

، -أنا شخصيا أشرب لتر ونص مياه وبعدها ثمرة فاكهة واحدة- وأعدكم أنه بعد المياه لن تجدوا مكانا في معدتكم للأكل الزائد، ثم بعد ذلك يفضل الانتظار قليلا ويمكننا تأدية صلاة المغرب مثلا وهي فرصة مناسبة لتهيئة المعدة لإستقبال الطعام بعد صيام حوالي 16 ساعة

. ثم بعد ذلك نأخد إفطار صحى خفيف قليل النشويات، وقليل الملح، وممنوع تناول المقليات لأنها تسبب زيادة الدهون، والمخللات لأنها تحتوي على أملاح عالية تحبس السوائل في الجسم مما يسبب السمنة المائية.

وقت السحور كذلك يجب أن نبدأ بتناول الماء ونأكل طعام صحي خفيف مع أي مشروبات سكر دايت و بالمناسبة مشروبات {الكركاديه والعناب والخروب والتمر هندى والعرق سوس} تقلل الشعور بالعطش لكن يجب تحليتهم بسكر دايت، وتناول الزبادي خالي الدسم بالإضافة إلى أنه يحمي أيضا من العطش، فتناوله بإنتظام يؤدي إلى فقدان الوزن

برأيك ما نوع الرياضة الأنسب في رمضان وما الوقت المناسب لممارستها ؟

ممارسة جميع أنواع الرياضة وفقا لما يناسب كل شخص، بداية من المشي وحتي تأدية التمارين الرياضية في المراكز الرياضية، لكن بالطبع بعد الأفطار، لأن التمارين الرياضية تحتاج إلى مجهود عالي ويفقد الجسم خلالها الكثير من السوائل، والتي يجب أن يتم تعويضها على الفور بشرب الماء والعصائ